Germaniya Markaziy Osiyoni o‘z tomoniga o‘tkaza olmadi

Germaniya kansleri Olaf Sholsning Markaziy Osiyoga tashrifining iqtisodiy tarkibiy qismi muvaffaqiyatli deb hisoblanishi mumkin bo‘lsada, siyosiy tomoni unchalik samarali bo‘lmagan, deyiladi The Diplomat saytida chop etilgan maqolada.

Qozog‘iston prezidenti Qosim-Jomart Toqayevning Rossiyani jang maydonida mag‘lub etib bo‘lmaydi, tinchlik muzokaralariga o‘tish zarur, degan so‘zlari ham shundan dalolat beradi.

Natijada, Sholsning tashrifi Markaziy Osiyoning G‘arb yoki Rossiya tomoniga o‘tmasligini yana bir bor tasdiqladi. Mintaqa davlatlari faqat o‘z manfaatlaridan kelib chiqib, taklif qilgan har bir kishi bilan bajonidil hamkorlik qilishni ma’qul ko‘radi, lekin eksklyuziv majburiyatlarni olishga tayyor emas. Yevropa ular uchun ko‘pchilik orasida faqat bitta hamkorga aylandi.

Germaniyaning inson huquqlari masalasini ko‘tarishga urinishlari ham muvaffaqiyatsizlikka uchradi. Buning o‘rniga O‘zbekiston va Turkmaniston Berlinga Afg‘onistonga nisbatan pragmatikroq yondashishni va Tolibon bilan munosabatlarni normallashtirishga harakat qilishni taklif qildi.