Gollandiya prognozi: urush tugamaydi va Rossiya «haqiqatan ham kuchli»
Ukrainadagi urush 2024 yoki 2025 yilda ham tugamaydi, dedi Niderlandiya mudofaa vaziri Ruben Brekelmans LRT telekanaliga bergan intervyusida.
U frontdagi vaziyat juda og‘ir ekanini ta’kidlab, odamlarni optimistik va ayni paytda realist bo‘lishga chaqirdi.
«Urush bu yil tugamaydi, deb o‘ylamayman, kelasi yil ham tugamaydi deb o‘ylayman. ...Ba’zan odamlar Rossiya bosqinini marafonga aylangan sprint edi, deb o‘ylashadi, lekin aslida bu 42 kilometrlik sprint», — dedi Brekelmans.
Niderlandiya Mudofaa vazirligi rahbari Ukrainaga harbiy yordamni kuchaytirishga chaqirdi. “Biz Ukrainaga yordam berish uchun ko‘p mehnat qilishimiz kerak, lekin biz uzoq muddatli istiqbolni ko‘rib chiqishimiz va Yevropadagi odamlar Ukrainani qo‘llab-quvvatlashda davom etishiga ishonch hosil qilishimiz kerak. Shuning uchun biz odamlarning hafsalasi pir bo‘lmasligi uchun yolg‘on illyuziyalarni yaratmasligimiz kerak», - deya ta’kidladi Brekelmans.
Vazir Rossiyani «haqiqatan ham kuchli» va «juda uzoq vaqt» yuqori intensivlikdagi urush olib borishga qodir, deb hisoblashini qo‘shimcha qildi.
«Rossiya raqamlar bilan o‘ynamoqda va Ukraina uchun bunga qarshilik ko‘rsatish juda qiyin. Shuning uchun biz ushbu tahdidlardan himoyalanish va Rossiyani keyingi tajovuzdan qaytarish uchun katta mablag‘ sarflashimiz kerak», — dedi Brekelmans.
