Olmazorda “Cobalt” svetoforga urilib, yonib ketdi

Joriy yilning 14 may kuni taxminan soat 05:00 da Olmazor tumani, Keles ko‘chasida 1982 y.t. D.YU. “Cobalt” rusumli avtomashinasini (davlat raqami 01 V 550 KA) boshqarib ketayotgan vaqtda, boshqaruvni yo‘qotgan va yo‘l chetidagi to‘siq ustiga chiqib ketib, svetoforga urilgan.

Natijada dvigatelda yong‘in chiqqan, tez orada voqea joyga yetib kelgan o‘t o‘chiruvchilar yong‘inni bartaraf etishgan.
Hodisa oqibatida hech kim jabrlanmagan.

Mazkur holat yuzasidan Toshkent shahar IIBB YHXB tomonidan surishtiruv olib borilmoqda.