Isroil so‘nggi ikki kun ichida qancha begunoh odamni o‘ldirganini bilasizmi?

Isroil so‘nggi 48 soat ichida G‘azoda 61 kishini o‘ldirdi.

Anklavdagi Falastin Sog‘liqni saqlash vazirligi ma’lumotlariga ko‘ra, so‘nggi 48 soat ichida G‘azo sektorida kamida 61 falastinlik halok bo‘ldi, 162 nafari yaralandi.

Oxirgi qayd etilgan o‘limlar umumiy soni 40,939 ga yetdi. O‘tgan yilning 7 oktabr kuni boshlangan qirg‘indan buyon kamida 94 616 kishi jarohat olgan.

Shuningdek, Xon Yunislik Yaqin al-Astal ismli yana bir bola Isroilning G‘azo sektoriga yordamni to‘sib qo‘yishda davom etayotgani sababli to‘yib ovqatlanmaslikdan vafot etdi.

Isroilning Nuseyratdagi hujumidan keyin qurbonlar soni ortib bormoqda.

Falastin fuqarolik mudofaasi vakiliga ko‘ra, Isroilning G‘azo markazidagi Nusayrat qochqinlar lagerining g‘arbiy qismiga uyushtirgan havo hujumi oqibatida kamida sakkiz kishi halok bo‘ldi.

O‘lganlar orasida bir bola ham bor, deya qo‘shimcha qilinadi bayonotda.

Isroil armiyasi Xevron yaqinidagi 45 qishloq xo‘jaligi obektini buzib tashladi.

Vafa axborot agentligi xabariga ko‘ra, Isroil kuchlari Xevron shimoli-g‘arbidagi Taybeh hududida 45 ta qishloq xo‘jaligi binolarini buldozer bilan yo‘q qildi.