Turkiyaning Qahramonmarash viloyatida 5 magnitudali zilzila sodir bo‘ldi

Turkiyaning janubi-sharqidagi Qahramonmarash viloyatida 5 magnitudali zilzila sodir bo‘ldi.

Tabiiy ofatlarga qarshi kurashish boshqarmasi (AFAD) ma’lum qilishicha, 5 magnitudali silkinish mahalliy vaqt bilan soat 09:31 da sodir bo‘lgan.

Zilzila manbasi Evri shahri yaqinida, taxminan, 7 kilometr chuqurlikda va 1,5 milliondan ortiq aholisi bo‘lgan Gaziantep shahridan 50 km uzoqlikda joylashgan.

Boshqarmaning qayd etishicha, tabiiy ofatning salbiy oqibatlari hozircha qayd etilmagan.