Mirziyoyevning Rossiyaga tashrifi muhokama qilindi

13 avgust kuni Rossiya Federasiyasi tashqi ishlar vaziri Sergey Lavrov O‘zbekiston Respublikasi tashqi ishlar vaziri A.X. Komilov bilan telefon orqali suhbatlashdi.

Ikki tomonlama munosabatlarning dolzarb masalalari, xalqaro va mintaqaviy kun tartiblari bo‘yicha atroflicha fikr almashildi. Oliy va yuqori darajadagi, shu jumladan, hozirda O‘zbekiston raisligida boshqarilayotgan Mustaqil Davlatlar Hamdo‘stligi doirasidagi tadbirlarni tayyorlashga alohida e’tibor qaratildi.

O‘zbekiston Respublikasi Prezidenti SH.M.Mirziyoyevning Rossiya Federasiyasiga rejalashtirilgan davlat tashrifining tashkiliy va mazmunli jihatlari atroflicha muhokama qilindi. Rossiya va O‘zbekiston hukumatlari rahbarlari darajasida qo‘shma komissiyaning 1-yig‘ilishi, shuningdek, ikki mamlakat o‘rtasidagi iqtisodiy hamkorlik bo‘yicha hukumatlararo komissiyaning 20-yig‘ilishi qarorlari bo‘yicha ishlarning borishi ko‘rib chiqilgan.

Shuningdek, koronavirus infeksiyasining tarqalishiga qarshi kurash yuqori baholandi. Tomonlar ushbu sohada o‘zaro qo‘llab-quvvatlash va hamkorlikni davom ettirishga tayyor ekanliklarini tasdiqlashgan.

Afg‘onistondagi vaziyatni hisobga olgan holda Markaziy Osiyoda xavfsizlik masalalari bo‘yicha hamkorlikni rivojlantirish, shuningdek, YXHTdagi inqirozdan chiqish yo‘llari to‘g‘risida ham fikr almashilgan.