Global Tinchlik Sammitida uchta asosiy masala ko‘tariladi

15-16 iyun kunlari bo‘lib o‘tadigan Global Tinchlik Sammitida Ukraina uchta masalaga e’tibor qaratishni rejalashtirmoqda. Bu haqda mamlakat prezidenti Vladimir Zelenskiy aytib o‘tdi.

«Bu masalalar: energetika va yadro xavfsizligi, shuningdek, erkin navigasiya va almashinuv masalalari. Bu ikki savoldan iborat gumanitar trek: barchasini barchasiga almashtirish va Rossiyaga deportasiya qilingan bolalarni qaytarish», - dedi u.

«Agar barcha davlatlar ushbu dastlabki uchta masalani qo‘llab-quvvatlasa, unda batafsil o‘zgarishlar bo‘ladi va ularni Rossiya tomoni bilan davlatlar bilan vositachilik qilish orqali hal qilish mumkin», — deya qo‘shimcha qildi prezident.

Shveysariya hukumati Vladimir Zelenskiyning yanvar oyida bo‘lgan tashrifi chog‘ida tinchlik konferensiyasi tashkil etishga rozi bo‘lgan edi. 10 aprel kuni e’lon qilingan bayonotda «tinchlik jarayonini boshlash uchun yuqori darajadagi konferensiyani o‘tkazishga hozircha yetarlicha xalqaro yordam mavjudligi» aytiladi.