Leonardo da Vinchi chizgan ayiq boshi surati rekord darajada sotildi

Leonardo da Vinchi chizgan ayiq boshining eskizi Christie's kim oshdi savdosida sotildi.

U 8,9 million funt sterlingga (taxminan 12,3 million dollar) sotib olingan. Bu italiyalik rassomning ishi uchun rekord natijadir.

«Rasm Leonardo da Vinchining rassom sifatida mahorat ko‘rsatganligidan dalolat beradi», - deyiladi kim oshdi savdosi uyining Twitterdagi sahifasida.

Eskiz - bu 7x7 sm qizil-och sariq qog‘ozga kumush qalam bilan chizilgan rasm. U 1480-yillarning birinchi yarmida yaratilgan. Bu rassomning imzosi bor asarlaridan biridir. Xaridorning ismi oshkor qilinmagan.

Avvalgi rekord natijani qayd etgan 8,1 million funt-sterlingga sotib olingan Leonardo Da Vinchining «Ot va chavandoz» asari edi.