Kun kulgisi!.. (42-qism)
Bemor jarroh huzurida.
— Do‘xtir, qulog‘im og‘riyapti!
— Unda kesib tashlaymiz.
Bemor yugurgancha tashqariga chiqib terapevt huzuriga kirdi.
— Do‘xtir, qulog‘im og‘riyapti. Anavi jarroh kesib tashlamoqchi bo‘ldi.
— E, bu jarrohlar o‘zi shunaqa. Men sizga bir dori yozib beraman, qulog‘ingiz o‘zi uzilib tushadi.
***
Tijoratchi vrachga uyqusizlikdan shikoyat qildi. Vrach undan so‘radi:
— Siz ko‘zlaringizni yumib, o‘zingizcha qo‘ylar podasini tasavvur qilib, ularni birma-bir sanab chiqqanmisiz?
— Ha, ammo foyda bermadi.
— Nega?
— Tasavvurimda qo‘ylarni sanab bo‘laman, poyezdga ortaman, qayergadir olib borib sotaman-da, tuni bilan “arzon sotib qo‘ymadimmikan?” deb o‘ylanaman.
***
— Ikki karra ikki qancha bo‘ladi?
— Sotasizmi, yo xarid qilasizmi?