Kechgi tabassum!.. (16-qism)
Xotin olis safarga ketgach, er unga telegramma jo‘natdi:
— Xotin, qoshiq, sanchqilar qayerda?
Xotin javob yozdi:
— Uyda uxlash kerak.
Ertasiga yana shunday savol-javob bo‘lib o‘tdi. Oradan ikki hafta o‘tib xotin safardan qaytdi.
Er:
— Qoshiq, sanchqilarning qayerdaligini bir og‘iz so‘z bilan aytib qo‘ysang bo‘lardi-ku!
Xotin:
— Aytdim-ku uyda uxlash kerak deb!
Va u karavotdagi ko‘rpa ostidan qoshiq va sanchqini olib eriga uzatdi.
* * *
O‘quvchi muallimdan so‘radi:
— Ustoz, daftarimga nima deb yozdingiz? Hech narsani tushunib bo‘lmayapti.
— «Tushunadigan qilib yozgin» deb yozdim.
* * *
Ikki tanish uchrashib qolishdi.
— Men mashina sotib oldim.
— O‘, zo‘r-ku!
— Zo‘r ham gapmi? Mashinang bo‘lsa, hamma narsaga ulgurarkansan. Masalan, kecha ertalabdan kechgacha juda ko‘p ishni bajarishga ulgurdim.
— Masalan, qanday ishni?
— Mashinaning moyini almashtirdim, yangi ballonlar sotib oldim, bozorga tushib mashinamga yangi qanot sotib oldim. So‘ngra avtoservisga borib uyoq-buyog‘ini sozlattirdim. Mashinam bo‘lmasa, shuncha ishni bajarishga ulgurmasdim-da!