Karantin zonalarida bir xonada 4 kishi saqlanyapti. Bu kasallik yuqtirib olish xavfini oshirmaydimi?
Sanitariya-epidemiologiya nazorati davlat inspeksiyasi boshlig‘i Nurmat Otabekov Kun.uz muxbiriga bergan intervyusida ushbu savolga javob qaytardi:
«Albatta, 4 kishi bitta xonada bo‘lgandan keyin kasallikni yuqtirib olish ehtimoli bo‘ladi, buni hech kim inkor qila olmaydi. Ko‘pchilik karantinga joylashtirilayotgan shaxslarimiz begona yurtlarda, qurilishlarda, har xil ishlarda ishlagan. Aksariyati 20-30 kishilik joylarda birga yashagan. Lekin bunday sharoitning qilib berilishi, 4 ta odam kasallik yuqish ehtimolini saqlab qolish uchun juda katta miqdorda kuch-imkoniyatlar, mablag‘ sarflandi.
Agar biz ularni 50-100 kishi qilib bitta joyga joylashtirganimizda qanday bo‘lardi. Karantinda turganlardan ikki marotaba tahlil olinadi. Tahlil olingandan keyin mabodo kasallik chiqadigan bo‘lsa, bu guruh yana boshqalardan alohida qilinadi».