Gresiya aholini koronavirusdan saqlash usulini topdi

1 iyundan Gresiyada mamlakat aholisini koronavirus infeksiyasidan himoya qilish uchun BSJ yordamida universal emlash boshlanadi.

Bu haqda  Neakriti portali xabar bermoqda.

Ushbu chora milliy dorilar agentligi tomonidan ma’qullangan va emlashlar Afina, Saloniki, Patras va boshqa Yunoniston shaharlarida o‘tkaziladi.

Xabar berilishicha, Germaniya, Avstraliya va Niderlandiya ham xuddi shunday qadamlarni tashlagan.

BSJ vaksinasining samaradorligi olimlar tomonidan uch yil davom etgan tadqiqotda isbotlangan. Emlangan odamlarda nafas olish yo‘llari infeksiyasining rivojlanish xavfi besh baravar kam ekanligi ma’lum bo‘lgan. Mutaxassislarning fikriga ko‘ra, ushbu chora koronavirus uchun xavf ostida bo‘lgan odamlarni himoya qiladi.

"Maxsus vaksina bo‘lmaganda, umumiy immunitetni, masalan, silga qarshi himoya kabi vaksinalar yordamida rivojlantirish mumkin", dedi Kapodistriya nomidagi milliy universitetining patologiya va infeksiyalar bo‘yicha professori Evangelos Yamarellos.

Uning ta’kidlashicha, emlashdan oldin bemorlarda koronavirus antitelalari uchun tekshiriladi.

BSJ - bu sil kasalligiga qarshi vaksina bo‘lib, bir qator mamlakatlarda bu emlash barcha bolalarga tug‘ilgandan keyin darhol o‘tkaziladi va uning ta’siri hayot davomida davom etadi.