Evropa Ittifoqi Ukrainaga harbiy instruktorlar yuborish masalasini muhokama qilmoqda — Welt am Sonntag

Nashr manbalarga tayanib, Yevropa Ittifoqi mamlakatlari mudofaa va tashqi ishlar vazirlari kelasi haftada bu masalani muhokama qilishlarini ma’lum qildi. Yakuniy qaror noyabr oyidan kechiktirmay qabul qilinishi kutilmoqda. Bundan oldin instruktorlar Ukraina armiyasini faqat Yevropa Ittifoqida, asosan Polsha va Germaniyada tayyorlagan.

Shuningdek, gazetaning yozishicha, hozir Bryusselda rasmiylar o‘rtasida maxfiy hisobot tarqatilmoqda, bu muhokama uchun asos bo‘ladi. Hisobot mualliflari yevropalik harbiy instruktorlarni Ukrainaga jo‘natishning afzalliklarini sanab, Rossiya Federasiyasining mumkin bo‘lgan "keskin reaksiyasi" va yevropalik instruktorlarga zarba berilishi haqida ogohlantiradilar.

Ukrainaga instruktorlarni yuborish Fransiya, Polsha, Daniya, Shvesiya va Boltiqbo‘yi mamlakatlari tomonidan qo‘llab-quvvatlanmoqda. Germaniya, Avstriya, Sloveniya, Vengriya va Malta bunga qarshi.