Bolani davlat bog‘chalariga joylashtirishda kimlarga imtiyoz beriladi?
Kimlarga farzandini davlat bog‘chalariga qo‘yishda imtiyozlar belgilangan? Bu haqda Adliya vazirligining «Huquqiy axborot» Telegram-kanali ma’lumot beradi.
Quyidagi shaxslarga bolani davlat bog‘chalariga qo‘yishda imtiyozlar beriladi:
— nogiron bo‘lgan shaxslarning bolalari;
— uch nafar yoki undan ko‘p bolalari bo‘lgan oilalarning bolalari;
— harbiy xizmatchilarning va huquqni muhofaza qilish organlari xodimlarining bolalari;
— talabalar va pedagoglarning bolalari;
— yetim bolalar yoki ota-onasining qarovisiz qolgan bolalar;
— boshqa muassasalardan o‘tkazilgan bolalar;
— akalari yoki opalari ushbu muassasaning tarbiyalanuvchilari jumlasidan bo‘lgan bolalar.
Bunda mazkur ro‘yxatdagi bolalarga bog‘chada bo‘sh o‘rinlar mavjud bo‘lganda birinchi navbatda yo‘llanma beriladi.