BAA ilk bor fazoga arab ayolini jo‘natadi
Birlashgan Arab Amirliklari fazoga jo‘natadigan navbatdagi 2 fazogir nomini e’lon qildi. E’tiborlisi, 4 ming nomzod ichidan tanlab olingan fazogirlardan biri ayol kishi. U fazoga yo‘l oladigan birinchi arab ayoli bo‘ladi.
BAA bosh vaziri Muhammad bin Roshid Ol Maqtumning ta’kidlashicha, tanlab olingan bo‘lg‘usi fazogirlar – Muhammad al-Mulla va Nura al-Matrush yaqin orada NASA’ning astronavtlarni tayyorlash dasturiga qo‘shiladi.
2019 yil 25 sentyabrda Boyqo‘ng‘ir kosmodromidan «Soyuz-FG» raketasida BAAning birinchi fazogiri Hazza al-Mansuriy fazoga parvoz qilgandi. Unga parvozi davomida rossiyalik Oleg Skripochka va amerikalik Jessika Mur hamrohlik qilgandi.
Al-Mansuriy Xalqaro koinot stansiyasida 8 kun bo‘lgach, rossiyalik Aleksey Ovchinin va amerikalik Nik Xeyg bilan birga 3 oktyabrda «Soyuz MS-12» kemasida Yerga qaytgan. Al-Mansuriy koinotga parvoz qilgan ilk BAAlik fazogir va XKSda bo‘lgan ilk arab bo‘ldi.