Armaniston Yevropa Ittifoqiga qo‘shilish masalasida imzo to‘plashni boshlamoqchi

Armaniston Markaziy saylov komissiyasi "Armanistonning Yevropa Ittifoqiga qo‘shilish jarayonini boshlash to‘g‘risida"gi qonun loyihasini kiritish maqsadida tashabbus guruhini tuzish to‘g‘risida qaror qabul qildi.

Bu haqda Markaziy saylov komissiyasi matbuot xizmati ma’lum qildi.

Qayd etilishicha, hujjat 51 nafar fuqarodan iborat guruh tomonidan taqdim etilgan. Ular "Respublika" partiyasi raisi o‘rinbosari Artak Zeynalyanni o‘zlarining vakolatli vakili etib tayinladilar.

MSK 10 kun ichida tashabbusni ro‘yxatdan o‘tkazishi yoki rad etishi mumkin.

Avvalroq parlament spikeri Alen Simonyan Latviyaga tashrifi chog‘ida Armaniston yaqin kelajakda YEIga qo‘shilish imkoniyati masalasini referendumga qo‘yishi mumkinligini aytgandi.