AQShning aksariyat shtatlari muddatidan oldin ovoz berishni boshlash tarafdori
5 noyabr kuni bo‘lib o‘tadigan prezidentlik saylovlari oldidan ko‘plab AQSh saylovchilari aksariyat shtatlarda shaxsan yoki pochta orqali muddatidan oldin ovoz berishlari mumkin bo‘ladi, deb yozadi CBS News.
Alabama 11 sentyabr kuni saylov byulletenlarini pochta orqali yuborgan birinchi shtat bo‘ldi va saylov kuniga 45 kun qolganda saylovchilarga pochta orqali byulleten yuborishni boshlagan 10 shtatdan biri.
Harbiy va xorijdagi saylov byulletenlari 21 sentyabr kuni pochta orqali yuboriladi. Har bir shtat o‘z saylovchilarni ro‘yxatga olish muddatini belgilaydi.
Saylov innovasiyalari va tadqiqotlari markazining qayd etishicha, 2000 yilda saylovchilarning 40 foizi shaxsan yoki pochta orqali muddatidan oldin ovoz berish imkoniyatiga ega bo‘lgan.
Amerikaliklarning 97 foizi hozirda saylov kuniga qadar kamida bir marta ovoz berish imkoniyatiga ega
Quyida barcha saylovchilarga shaxsan yoki pochta orqali muddatidan oldin ovoz berishni taklif qiluvchi ko‘k rangdagi shtatlar bilan AQSh shtatlari xaritasi keltirilgan.
Foto: www.cbsnews.com
Qolgan 46 shtat va Kolumbiya okrugi barcha saylovchilarga oldindan shaxsan ovoz berish va pochta orqali ovoz berishni taklif qiladi.
Ammo 46 ta shtatdan 8 tasida byulletenni pochta orqali yuborish uchun sabab kerak: Konnektikut, Indiana, Kentukki, Luiziana, Missuri, Janubiy Karolina, Tennessi va Texas.
Eslatib o‘tamiz, 2020 yilgi Amerika prezidentligi saylovlarida Jo Bayden Nevada, Arizona, Viskonsin, Michigan, Jorjiya, Pensilvaniya shtatlarida, Donald Tramp esa Shimoliy Karolinada ko‘plab ovozlarni qo‘lga kiritgan edi.
