AQSh Kursk yaqinidagi operasiyani qo‘llab-quvvatlash uchun Kiyevga yordamini o‘zgartirishi mumkin

Gap, xususan, zirhli texnika va o‘q-dorilar yetkazib berish hajmini oshirish va tezlashtirish haqida ketmoqda, bu esa Ukraina qo‘shinlariga Kursk viloyatida «qazish va himoya qilish»ga yordam beradi, deb yozadi The Washington Post amerikalik yuqori martabali amaldorlarga tayanib. Pentagon allaqachon Ukrainadan muvaffaqiyatli operasiya uchun zarur resurslar haqida ma’lumot so‘ragan, ammo harbiy yordamni o‘zgartirish bo‘yicha qaror hali qabul qilinmagan, deydi WP manbalari.

Nashrning yana bir suhbatdoshining qayd etishicha, Vashington Ukrainaning Kursk viloyatidagi nazorati ostidagi hududlarni saqlab qolish yoki kengaytirish niyatida ekanligini bilmaydi. «Ularning rejasi bo‘lishi mumkin, lekin ular buni biz bilan baham ko‘rishmayapti», - deya uning so‘zlarini keltirgan WP.