Amerika urushni o‘rganish instituti: Rossiyada safarbarlik davom etmoqda

Amerika urushni o‘rganish instituti (ISW) ma’lumotlariga ko‘ra, Rossiya hukumati kuzgi chaqiruv davrida ham yashirin safarbarlikni davom ettirishga tayyorlanmoqda. Mutaxassislarning fikriga ko‘ra, bu haddan tashqari yuklangan Rossiya apparatiga harbiy zaxirani shakllantirish uchun qo‘shimcha asos yaratadi.

"18 noyabr kuni Rossiya OAVda Kreml safarbarlikning ikkinchi to‘lqiniga tayyorlanayotgani belgilari faol muhokama qilindi. Xususan, ijtimoiy tarmoqlarda Vladimir Putinning qisman safarbarlik 31 oktyabrda yakunlanishi haqidagi bayonotiga zid ravishda 2023 yil yanvarida safarbarlikka kelish buyurilgan peterburglik fuqaroga yuborilgan chaqiruv qog‘ozi surati tarqaldi", deb yozadi ISW.