Трамп Зеленскийга қўнғироқ қилади
АҚШнинг собиқ президенти Доналд Трамп ва Украина президенти Владимир Зеленский 19 июлга телефон орқали мулоқот қилишни режалаштирган. Бу ҳақда Американинг CNN телеканали икки манбага таяниб хабар берди.
Бу қўнғироқ уларнинг Трамп Оқ уйни тарк этганидан кейинги илк суҳбати бўлади. Бу Европада Трампнинг Украина можаросига нисбатан сиёсати қандай бўлиши ва у ноябрь ойида бўлиб ўтадиган президентлик сайловларида ғалаба қозонса, Киевга ёрдам беришидан хавотирда бўлиб ўтади.
Икки сиёсатчи ўртасидаги телефон суҳбати учун мос вақт ҳақида мунозаралар узоқ вақт давомида бўлиб ўтди, дея хабар беради телеканал манбалари. Улардан бири сана тез-тез ўзгариб туриши ҳақида огоҳлантирди.
Трамп сайловда ғалаба қозонса, Украинадаги можарони бир кунда ҳал этиши мумкинлигини бир неча бор айтган. Шу билан бирга, сиёсатчи ўз режасининг тафсилотларига аниқлик киритмаган.
