Венгрия Тошкент шаҳри яқинида паррандачилик кластери барпо этади

Венгрия Тошкент шаҳри яқинида паррандачилик кластери барпо этади

Ўзбекистон элчиси Ойбек Шахавдинов "Бонафарм" компанияси ижрочи директори Аттила Чани билан учрашди.

Музокаралар чоғида томонлар Ўзбекистонда амалга оширилаётган лойиҳаларни муҳокама қилдилар ва келгусидаги ҳамкорлик йўлларини белгилаб олдилар.

Ўзбекистон ва "Бонафарм" компанияси ўртасидаги асосий қўшма лойиҳалардан бири бўлган Тошкент шаҳри яқинида паррандачилик кластерини барпо этиш лойиҳасига алоҳида эътибор қаратилди. Мамлакат озиқ-овқат хавфсизлигини мустаҳкамлаш учун ушбу лойиҳани муваффақиятли амалга ошириш муҳимлиги қайд этилди.

Узоқ муддатли шериклик муносабатларини ривожлантириш мақсадида томонлар ўзаро манфаатли натижаларга эришиш учун конструктив мулоқот ва ҳамкорликни давом эттиришга келишиб олдилар.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!