Сурхондарёдаги конда содир бўлган авария туфайли ҳавога олтингугурт гази тарқалди

Фавқулодда вазиятлар вазирлиги кеча, 1 сентябрь куни Сурхондарё вилоятидаги конда содир бўлган ҳодиса тўғрисида маълумот берди.

Унга кўра, 1 сентябрь куни соат 15:17 да Сурхондарё вилояти Бойсун тумани «Кўлқамиш» МФЙ ҳудудида жойлашган «Мустақилликнинг 25 йиллиги» конига қарашли 604-сон қудуғида бурғулаш ишлари олиб бориш вақтида технологик жараённинг бузилиши туфайли олтингугурт (водород сулфид) гази чиқиши кузатилган.

Аҳоли хавфсизлигини таъминлаш мақсадида кон яқинида яшовчи фуқаролар хавфсиз ҳудудга эвакуация қилинган.

«Фуқароларни тан-жароҳати олиш ва ҳалок бўлиш ҳолатлари қайд этилмаган. Вазият тўлиқ назорат остида. Ваҳимага ўрин йўқ», дейилади вазирлик хабарида.

Қўшимча қилинишича, ҳодиса жойига тегишли ташкилотларнинг вакиллари етиб бориб, мутахассислар томонидан барча зарурий ишлар олиб борилмоқда.