Исроилдаги намойишчилар сони 700 минг кишига етди
Исроилда Ғазо секторида ўт очишни тўхтатишни талаб қилган намойишлар сони 700 минг кишига етди. Тел-Авивдаги намойишларда эса 550 минг киши қатнашди, деб хабар берди Ynet портали намойиш ташкилотчиларига таяниб.
Шанба куни ўн минглаб исроилликлар Тел-Авив ва бошқа шаҳарлар кўчаларига чиқиб, Ғазо секторидан гаровга олинганларни озод қилиш бўйича зудлик билан келишувга эришилишини талаб қилиб, норозилик намойишига чиқди. Оммавий митинг Фаластин радикаллари томонидан 330 кун асирликда бўлган олти нафар гаровга олинган кишининг ўлдирилиши ҳақидаги хабардан кейин фаоллар томонидан уюштирилган. Ташкилотчиларга кўра, Тел-Авив кўчаларида 300 мингга яқин одам тўпланган, ярим миллионга яқин исроилликлар эса бутун мамлакат бўйлаб бир вақтнинг ўзида митинг ўтказган.
«Якшанба оқшомида мамлакат бўйлаб намойишларда етти юз минг киши қатнашди, Тел-Авивнинг Каплан кўчасидаги асосий намойишда иштирокчилар сони эса 550 минг кишини ташкил этди», — дея хабар берди Ynet портали намойиш ташкилотчиларига таяниб.
