Исроилда намойишчилар ва полиция ўртасида тўқнашувлар юз бермоқда
Тел-Авив марказида Ғазо секторида гаровга олинганларни қўллаб-қувватлаш намойиши ортидан оммавий тартибсизликлар юз берди. Бу ҳақда Исроил полицияси матбуот хизматига таяниб, «РИА Новости» хабар бермоқда.
Фаоллар Аялон шоссесини тўсиб, тўғридан-тўғри йўлда ўт ёқиб, полиция билан жанжаллашди. Ўз навбатида, полиция намойишчиларни катта йўлдан мажбуран чиқаришга ҳаракат қилмоқда ва энг фаол намойишчиларни ҳибсга олмоқда.
Мавжуд маълумотларга кўра, полициячилар орасида жабрланганлар бор.
Бундан олдин Тел-Авивда митинг бошлангани, унинг иштирокчилари Ғазо секторидан гаровга олинганларни озод қилиш бўйича келишувни тезроқ тузишни талаб қилгани хабар қилинган эди. Митинг ўн минглаб одамларни жалб қилди. Бу Исроилда фуқаролар суд-ҳуқуқ ислоҳотига қарши норозилик билдирган 2023 йилдан буён энг йирик норозилик намойишидир. 2 сентябрдан бошлаб мамлакатда аэропорт, болалар боғчалари, давлат идоралари, мактаб ва поликлиникаларда иш ташлашлар бошланди. Уларга юзлаб хусусий компаниялар ҳам қўшилди.
