Қозоғистон президенти атом электр станциясини қуриш бўйича референдум санасини эълон қилди

Қозоғистон президенти Қосим-Жомарт Тоқаев атом электр станцияси (АЭС) қурилиши бўйича референдум санасини эълон қилди.

Бу ҳақда «Report»нинг Қозоғистон бюроси хабарига кўра, республика парламенти икки палатасининг йиғилишида маълум бўлди.

«6 октябрь куни референдум бўлиб ўтади», деди Тоқаев Қозоғистон халқига мурожаати чоғида.

Бир ҳафта олдин ҳукумат ушбу масала бўйича Энергетика вазирлиги лойиҳасини қабул қилди.

Президент имзо чеккан ва сана эълон қилинганидан кейин ҳужжат Марказий сайлов комиссиясига (МСК) юборилади. Ўз навбатида МСК референдумга тайёргарлик кўриш бўйича иш бошлайди.

Қайд этиш жоизки, Қозоғистонда атом электр станцияларини қуриш бўйича тўртта компания ўз технологияларини таклиф қилмоқда: Хитойнинг CNNC компанияси HPR1000 реакторига эга; APR1000 ва APR1400 реакторлари билан Корея KHNP; ВВEР-1200 билан рус Росатом; EDF1200 технологияси билан француз EDF.