Роналду «Ювентус»ни қачон тарк этишини айтди

«Ювентус» клуби ҳужумчиси Криштиану Роналду икки йиллик фаолиятидан кейин мавсум якунида Турин клубини тарк этиши мумкин. Бу ҳақда италиялик таниқли журналист ва инсайдер Пьетро Бальцано Прота хабар берган.

«35 ёшли португалиялик футболчи мавсум якунида «Ювентус» клубини тарк этишга яқин турибди. Унинг клубдан нега кетмоқчи бўлаётгани сабаби ҳозирча маълум эмас», - дейилади манбада.

Роналду 2018 йилда «Реал» клубидан 117 миллион евро трансфер пули эвазига «Ювентус» сафига келиб қўшилган бўлиб, унинг шартномаси 2022 йилгача имзоланган. 

Португалиялик форвард жорий мавсумда «Юве» сафида 32 ўйинда майдонга тушиб, 25 та гол ва 9 та голли узатмага муаллифлик қилган.