Россия элчиси Британия Ташқи ишлар вазирлигига чақирилди

Россиянинг Буюк Британиядаги элчиси Андрей Келин Британия ҳукумати Россия ҳарбий атташесини мамлакатдан чиқариб юбориш ва россияликлар учун дипломатик визалар олиш қоидаларини кучайтириш ниятини билдирганидан сўнг, Буюк Британия Ташқи ишлар вазирлигига чақирилди. Бу ҳақда Ташқи ишлар вазирлиги тарқатган баёнотда айтилади.

«Бугун Буюк Британия Россия элчисини унга кўрилган чоралар ҳақида маълумот бериш ва Лондон Россиянинг бундай ҳаракатларига тоқат қилмаслигини яна бир бор таъкидлаш учун чақирди», — дейилади ҳужжатда.

Лондон Россия разведка хизматларини разведка маълумотларини йиғиш ва қиролликда қўпорувчилик фаолиятини амалга оширишда гумон қилмоқда.