Наҳотки! CОVID-19 сабаб эркак қушлар янада жозибали ва юмшоқроқ куйлашмоқда

Сан-Францискодаги америкалик экологлар сўнгги пайтларда эркак қушларнинг урғочи қушларни жалб қилиш учун юмшоқроқ куйлай бошлаганлигини маълум қилишди.

Бу ҳақда “phys.org” сайтида хабар берилди.

Мутахассисларнинг фикрига кўра, бунга CОVID-19 коронавирусининг янги тури пандемияси шароитида жорий этилган карантин ва чекловлар сабаб бўлган.

Таъкидланишича, илгарилари шовқин туфайли қушлар баландроқ қўшиқ айтишга мажбур бўлишган. Бироқ Сан-Францискодаги карантин шароитида, экологларнинг кузатувига кўра, эркак қушлар деярли уч баравар пастроқ ва юмшоқроқ куйлашга ўтишган.

Бундан ташқари, тақдим этилган тадқиқот натижаларида мутахассислар қушлар атрофдаги ўзгаришларга тезда мослаша олишларини таъкидлашган.