11 синфларда якуний имтиҳонни ўтказиш тартиби белгиланди
1. Она тили ва адабиёт фанидан имтиҳон ўтказиш тартиби.
11-синфни тугатган ўқувчилар она тили ва адабиёт фанидан таълим дастури бўйича маълум даражадаги компетенсияларга эга бўладилар.Ўқувчиларнинг олган билим, кўникма ва малакаларини аниқлаш учун 2023–2024-ўқув йилида 11-синфларда якуний имтиҳон ёзма шаклда ўтказилади.Ҳар бир иншо мавзулари она тили ва адабиёт фани бўйича умумтаълим мактабларнинг 5-11-синфлари мавзуларини қамраб олган.Ўқувчиларга битта билетда 3 та мавзу тақдим этилади ва ўқувчилардан биттаси чиқиб шу мавзулардан бирини танлаб олади ва барча ўқувчи ушбу мавзу бўйича иншо ёзади. Иншо ёзиш учун 120 дақиқа вақт ажратилади ва мактаб томонидан олдиндан тайёрлаб (мактаб штампи босилган) қўйилган 12 варақлик дафтарга ёзилади.
2. Математика фанидан имтиҳон ўтказиш тартиби.
Ўқувчиларнинг олган билим, кўникма ва малакаларини аниқлаш учун 2023-2024-ўқув йилида 11-синфларда якуний имтиҳон ёзма шаклда ўтказилади.Ҳар бир имтиҳон билетининг савол ва топшириқлари математика фани бўйича 10-11-синфлари мавзуларини қамраб олган. Шунингдек, тавсияда билишга оид саволлар, қўллашга ва мулоҳазага оид топшириқлар бўйича баҳолаш мезонлари келтирилган.Ўқувчиларга таклиф этилган база саволларидан ташкил топган 2 та билет тақдим этилади. Билетда ўқувчига 10 тадан (6 та алгебра, 4 та геометрия) савол берилади. Саволларнинг 3 таси (2 та алгебра, 1 та геометрия) билишга, 5 таси (3 та алгебра, 2 та геометрия) қўллашга, 2 таси (1 та алгебра, 1 та геометрия) мулоҳазага оид бўлади. Саволларга жавобларни ёзиш учун мактаб томонидан олдиндан тайёрлаб (мактаб штампи босилган) қўйилган А4 форматдаги қоғозларга ёзадилар.Билет саволларига жавоб бериши учун умумий 180 дақиқа вақт берилади.
3. Давлат тили (таълим тили таълим тили ўзбек тили бўлмаган синфлар учун) дан имтиҳон ўтказиш тартиби.
11-синфлар учун Якуний давлат аттестацияси материаллари тайёрланиш жараёнида ўзбек тили фанидан 10-11-синфларда ўтилган мавзулар асос қилиб олинган. Ҳар бир вариант 3 та саволдан иборат. Саволларнинг 1таси ўқиш саводхонлиги, 1 таси мулоҳаза қилиш, 1таси қўллашга оид. Ёзма саволларга жавобларни ёзиш учун мактаб томонидан олдиндан тайёрлаб (мактаб штампи босилган) қўйилган А4 форматдаги қоғозларга ёзадилар. Имтиҳонда берилган топшириқлар бўйича 120 дақиқа вақт берилади.
4. Чет тили фанидан имтиҳон ўтказилиш тартиби.
Умумтаълим мактабларнинг 11-синфлари учун чет тили фанидан якуний назорат имтиҳони тинглаб тушуниш, ўқиб тушуниш, ёзиш, нутқ кўникмасини аниқлаш юзасидан ўтказилади.Имтиҳон гибрид шаклда ташкил этилади. Биринчи қисм учун умумий 105 дақиқа вақт ажратилади. Бунда ўқувчиларга имтиҳонни ёзма қисми учун олдиндан танлаган 2 та вариант таклиф этилади. Оғзаки имтиҳон қисмида 10 вариант орасидан ўқувчи битта топшириқ танлаб ўз вариантида тушган савол юзасидан 10 дақиқа тайёрланади ва 3 дақиқа гапиради.
5. Ўзбекистон тарихи фанидан ёзма ва оғзаки имтиҳонларни ўтказилиш тартиби.
Ўқувчиларнинг олган билим, кўникма ва малакаларини аниқлаш учун 2023–2024-ўқув йилида 11-синфларда якуний имтиҳон ёзма ва оғзаки шаклда ўтказилади.Ҳар бир имтиҳон билетининг савол ва топшириқлари Ўзбекистон тарихи фани бўйича умумтаълим мактабларнинг 10-11-синфлари мавзуларини қамраб олинган. Шунингдек, тавсияда билишга оид саволлар, қўллашга ва мулоҳазага оид топшириқлар бўйича баҳолаш мезонлари келтирилган. Ўқувчиларга таклиф этилган база саволларидан ташкил топган 2 та билет тақдим этилади. Билетда ўқувчига 5 тадан савол берилади. Саволларнинг 2 таси билишга, 2 таси қўллашга доир. Оғзаки имтиҳон қисмида 10 вариант орасидан ўқувчи битта мулоҳазага оид топшириқ танлаб ўз вариантида тушган савол юзасидан 10 дақиқа тайёрланади ва 3 дақиқа гапиради. Ёзма саволларга жавобларни ёзиш учун мактаб томонидан олдиндан тайёрлаб(мактаб штампи босилган) қўйилган А4 форматдаги қоғозларга ёзадилар. Имтиҳонда берилган топшириқлар бўйича 120 дақиқа вақт берилади.
6. Танлов фанлари бўйича имтиҳонларни ўтказиш тартиби.
Бир синфда ўқувчиларнинг ихтиёридан келиб чиқиб бир нечта фан танланиши мумкин аммо ҳар бир ўқувчи фақат биттагина фандан имтиҳонда иштирок этади.Танлов фанларидан имтиҳонлар жорий йилнинг 4-июн санасида ўтказилади:
Физика:
Ўқувчиларнинг олган билим, кўникма ва малакаларини аниқлаш учун 2023–2024-ўқув йилида 11-синфларда якуний имтиҳон ёзма шаклда ўтказилади.Ҳар бир имтиҳон билетининг савол ва топшириқлари физика фани бўйича Ихтисослаштирилган мактабларнинг 10-11-синфлари мавзуларини қамраб олган. Шунингдек, тавсияда билишга оид саволлар, қўллашга ва мулоҳазага оид топшириқлар бўйича баҳолаш мезонлари келтирилган.Ўқувчиларга таклиф этилган база саволларидан ташкил топган 2 та билет тақдим этилади. Билетда ўқувчига 10 тадан савол берилади. Саволларнинг 3 таси билишга, 6 таси қўллашга, 1 таси мулоҳазага оид бўлади. Саволларга жавобларни ёзиш учун мактаб томонидан олдиндан тайёрлаб (мактаб штампи босилган) қўйилган А4 форматдаги қоғозларга ёзадилар. Билет саволларига жавоб бериши учун 180 дақиқа вақт берилади.
Кимё:
Ўқувчиларнинг олган билим, кўникма ва малакаларини аниқлаш учун 2023-2024-ўқув йилида 11-синфларда якуний имтиҳон ёзма шаклда ўтказилади. Ҳар бир имтиҳон вариантининг савол ва топшириқлари кимё фани бўйича 10-11-синфлар мавзуларини қамраб олган. Шунингдек, тавсияда билишга, қўллашга ва мулоҳазага оид топшириқлар бўйича баҳолаш мезонлари келтирилган.Ўқувчиларга таклиф этилган база саволларидан ташкил топган 2 та билет тақдим этилади. Билетда ўқувчига 10 тадан савол берилади. Саволларнинг 3 таси билишга, 6 таси қўллашга, 1 таси мулоҳазага оид бўлади. Саволларга жавобларни ёзиш учун мактаб томонидан олдиндан тайёрлаб (мактаб штампи босилган) қўйилган А4 форматдаги қоғозларга ёзадилар. Билет саволларига жавоб бериши учун 180 дақиқа вақт берилади.
Давлат ҳуқуқ асослари:
Ўқувчиларнинг олган билим, кўникма ва малакаларини аниқлаш учун 2023–2024- ўқув йилида 11-синфларда якуний имтиҳони ёзма шаклда ўтказилади.Ҳар бир имтиҳон билетининг савол ва топшириқлари давлат ва ҳуқуқ асослари фани бўйича умумий ўрта таълимнинг 10-11-синфлар мавзуларини қамраб олган. Шунингдек, тавсияда билишга оид саволлар, қўллашга ва мулоҳазага оид топшириқлар бўйича баҳолаш мезонлари келтирилган. Топшириқлар кундалик ҳаётда ҳуқуқий воқеа ва ҳодисаларни идрок қилиш орқали вужудга келадиган вазиятларни ҳуқуқий жиҳатдан тўғри баҳолай олиш ва маъқул қарор қабул қилиш кўникмаларини баҳолайди.Ўқувчиларга таклиф этилган база саволларидан ташкил топган 2 та билет тақдим этилади. Билетда ўқувчига 10 тадан савол берилади. Саволларнинг 3 таси билишга, 6 таси қўллашга, 1 таси мулоҳазага оид бўлади. Саволларга жавобларни ёзиш учунмактаб томонидан олдиндан тайёрлаб (мактаб штампи босилган) қўйилган А4 форматдаги қоғозларга ёзадилар. Билет саволларига жавоб бериши учун 120 дақиқа вақт берилади.
География:
Ўқувчиларнинг олган билим, кўникма ва малакаларини аниқлаш учун2023-2024-ўқув йилида 11-синфларда якуний имтиҳон ёзма шаклда ўтказилади.Ҳар бир имтиҳон билетининг савол ва топшириқлари география фани бўйича5-10-синфлари мавзуларини қамраб олган. Шунингдек, тавсияда билишга оид саволлар, қўллашга ва мулоҳазага оид топшириқлар бўйича баҳолаш мезонлари келтирилган.Ўқувчиларга таклиф этилган база саволларидан ташкил топган 2 та билет тақдим этилади. Билетда ўқувчига 10 тадан (5-10 синфлардан ) савол берилади. Саволларнинг 3 таси билишга, 6 таси қўллашга, 1 таси мулоҳазага оид бўлади. Саволларга жавобларни ёзиш учун мактаб томонидан олдиндан тайёрлаб (мактаб штампи босилган) қўйилган А4 форматдаги қоғозларга ёзадилар. Билет саволларига жавоб бериши учун умумий120 дақиқа вақт берилади.
