Париж полицияси Сорбонна яқинида фаластин тарафдори талабалар намойишини тарқатиб юборди

Франция полицияси Париждаги Сорбонна университети яқинида Фаластинни қўллаб-қувватлаган навбатдаги талабалар намойишини тарқатиб юборди.

Бу ҳақда РИА Новости хабар бермоқда.

Аниқлик киритилишича, намойишда бир неча ўнлаб талабалар Фаластин тарафдори шиорлар айтиб, Фаластин байроқларини кўтариб, энг каттасини бутун кўча бўйлаб чўзган.

Кейинчалик оломон орасида фашизмга қарши шиорлар янграй бошлади.

Намойишни полиция кузатди. Бироз вақт ўтгач, полиция талабаларга намойишни тугатишни буюрди, бироқ баъзилари кетишни истамади, натижада тўқнашувлар келиб чиқди.