Макрон Франция бош вазири Атталнинг истеъфосини қабул қилишга қарор қилди
Бу ҳақда France Bleu радиоси манбасига таяниб хабар бермоқда.
Радио тармоғига кўра, президент 16 июл куни амалдаги ҳукуматнинг навбатдаги йиғилишидан сўнг Аттал ва унинг ҳукумати истеъфосини қабул қилади. Шу билан бирга, Аттал янги Вазирлар маҳкамаси шаклланмагунча ҳукуматни бошқариб туради.
Францияда бўлиб ўтган навбатдан ташқари парламент сайловларда Макрон коалицияси мағлуб бўлганидан кейин Аттал истеъфога чиқиши ҳақида эълон қилган эди. Бироқ Эммануэл Макрон ундан "мамлакат барқарорлигини таъминлаш учун ҳозирча лавозимида қолишини” сўраган эди.
Франция бўлиб ўтган навбатдан ташқари парламент сайловларида ҳеч бир сиёсий куч Миллий Ассамблеяда мутлақ кўпчилик ўринга эга бўлолмади. Мутахассисларнинг фикрича, бу ҳолат мамлакатда янги ҳукуматни шакллантириш билан боғлиқ сиёсий муаммони юзага келтириши мумкин.
