Кремлнинг Шольцнинг «тинчлик режаси»га муносабати қандай бўлди?
Россия президенти матбуот котиби Дмитрий Песков журналистларга берган интервьюсида Россия ва Украина ўртасидаги «ҳарбий можарони» тинч йўл билан ҳал қилиш учун ҳеч қандай шарт-шароитлар мавжуд эмаслигини маълум қилди.
“Биз Европа давлатларидан турли баёнотларни эшитяпмиз, аммо биз бу борада, аслида, ушбу жараённи олиб борадиган, бутун жамоавий Ғарбни бошқарадиган мамлакатдан келган баёнотларни кўрмаяпмиз",— дея Песковнинг сўзларидан иқтибос келтиради ТАСС.
Песков Германия канцлери Олаф Шольцнинг «қандай қилиб имкон қадар тезроқ бу ҳарбий вазиятдан чиқиш ва тинчликка эришишни муҳокама қилиш учун тўғри пайт келгани» ҳақидаги сўзларига изоҳ бериш сўровига шундай жавоб берди. Шольц Украина бўйича иккинчи тинчлик конференцияси Россия иштирокида ўтиши керак, деб ҳисоблайди ва Украина президенти Владимир Зеленский ҳам худди шундай фикрда.
