Исроил армияси фаластинликлардан тирик қалқон сифатида фойдаланяптими?
Фаластинлик тинч аҳоли Исроил аскарлари уларни ҳарбий кийим кийишга ва Ғазо секторидаги хавфли жойларни ўрганиш учун камералардан фойдаланишга мажбурлаганини айтишди. Исроил инсон ҳуқуқлари ташкилоти айбловларни тасдиқлади.
Ғазо секторидаги иккинчи йирик шаҳар Хон Юнисдаги чодирда Муҳаммад С. Ғазо уруши ҳақидаги воқеаларни айтиб берди.
Давом этаётган қирғинларда Исроил Хамас Ғазонинг тинч аҳолисидан тирик қалқон сифатида фойдаланганини даъво қилган. Аммо Муҳаммад С. асл ҳақиқат ҳақида хабар беради.
«Улар [Исроил армияси аскарлари] кўзимизни боғлаб, қўлларимизни орқамизга боғлашди. Улар бизни жипларида олиб кетишди ва биз бир уйда ўтирдик”, деди Муҳаммад С. «Эртаси куни улар бизни зўрлик билан олиб кетишди ва деди: Ё биз билан борасан, ёки сени ўлдирамиз». Бу 15 кун давом этди, деди у. Унинг вазифаси хавф туғилганда йўл кўрсатиш эди.
"Улар бизни қуоқчинлар орқали назорат қилишди"
"Улар мени ва бошқа бир кишини топшириққа юборди. Дубулғадаги камерадан ташқари қўлларимизга ҳам камера қўйди. Ва улар бизни қуоқчинлар орқали бошқариб: «Бу ерда тўхта, у ерга бор, бу уйни суратга ол, бу кўчада тўхта», деб турарди", деди Муҳаммад С.
Исроил армияси ундан тирик қалқон сифатида фойдаланган. Унинг сўзларига кўра, у Исроил аскарлари ўзлари дуч келишни истамаган хавф-хатарларни ўз зиммасига олиб, қўшинлар киришидан олдин уйларга кириши керак бўлган.
Бундай хабарларни Исроилнинг «Сукунатни бузиш» нодавлат ташкилоти директори Надав Вейман тасдиқлайди. Унинг сўзларига кўра, декабрь ойидан бери Ғазо урушида қатнашган аскарлар бир неча бор фаластинлик тинч аҳолидан тирик қалқон сифатида фойдаланилаётгани ҳақида хабар берган.
