Гави "Барселона" таркибида узоқ муддат майдонга туша олмайди

Каталониянинг "Барселона" клуби ярим ҳимоячиси Гави узоқ муддатга ўйиндан ташқарида бўлади.

19 ёшли футболчи 2023 йил охирида олган тиззасидаги жароҳатидан тикланишда давом этмоқда.

AS журналистларининг фикрича, "кўк-анорранглилар" иқтидорли футболчини тикланишига мажбур қилишмаяпти. Гави ноябргача майдонга қайтиши кутилмаяпти. Испания чемпионатининг ўтган мавсумида ярим ҳимоячи 12 та ўйинда майдонга тушиб, битта гол ва битта голли узатмага муаллифлик қилган.

Ярим ҳимоячининг "Барселона" билан шартномаси 2026 йилнинг ўрталарига қадар тузилган, унинг трансфер қиймати 90 миллион еврога баҳоланмоқда.