ФВВ Яшнободда содир бўлган ёнғин юзасидан маълумот берди
![ФВВ Яшнободда содир бўлган ёнғин юзасидан маълумот берди ФВВ Яшнободда содир бўлган ёнғин юзасидан маълумот берди](/photos/news/hgwLynfo5xMmObP.jpeg)
Бугун 28 июнь куни соат 04:13да Пойтахтимизнинг Яшнобод тумани, Джарқўрғон кўчаси 22-уйда жойлашган “AGRO FOOD OIL” Масулияти чекланган жамиятга қарашли ёғ қадоқлаш цехида ёнғин келиб чиққан.
Ёнғин натижасида 300 кв.м. майдонда цех ички ва том қисми ёнган. Ёнғин-қутқарув жанговар бўлинмалари манзилга соат 04:20да етиб борган ва кўрилган тезкор чоралар натижасида ёнғин соат 05:12да тўлиқ бартараф этилган. Ёнғин жойига 7 та ёнғин-қутқарув техникаси жалб қилинган.
Ёнғин сабаблари ва ёнғиндан келтирилган моддий зарар миқдори аниқланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).