Сомон қолдиқларини ёниб кетиши табиатга зарар келтирди
Тошкент вилояти Экология бошқармаси ҳамда Қуйи Чирчиқ тумани бўлими инспекторлари билан биргаликда назорат тадбири ўтказилди.
Тадбир мобайнида туманнинг «Мингчинор» МФЙ, Ўзбекистон ҳудудида «Тcт Агро Cлустер» МЧЖга қарашли ғалладан бўшаган 22,0 га ер майдонидаги сомон поя қолдиқларини ёниб кетиши ҳолати аниқланди. Оқибатда табиатга етказилган зарар миқдори 30.397.804 сўмни ташкил қилди. Ҳозирда тўпланган ҳужжатлар тегишли тартибда қонуний қарор чиқариш мақсадида суд органига юборилмоқда.
Тошкент вилояти Экология бошқармаси огоҳлантиради: Ғалладан бўшаган ер майдонларида сомон поя қолдиқларини ёқиб табиатга зарар етказманг, акс ҳолда қонунда белгиланган тартибда чора кўрилишини унутманг.
Тошкент вилояти Экология бошқармаси Матбуот хизмати
Матнда хатолик топсангиз, ўша хатони белгилаб, бизга жўнатинг (Ctrl + Enter).
