Европада қор ёғди
Марказий Европа ва Болқонда қор ёғди. Илгари бу ҳудудлар аҳолиси ғайриоддий иссиқ баҳорни бошдан кечирган, ҳаво ҳарорати 30 °С га етган эди. Бу ҳақда Еuronews хабар берди.
Европадаги об-ҳаво яна ҳайратланарли. Сешанба кунидан бери Австриянинг баъзи ҳудудларида қор ёғмоқда, бироқ дам олиш кунлари ҳаво ҳарорати 30°C дан ошган. Хусусан, Каринтиядаги тоғли довон Паксаттель қор билан қопланган.
Бир нечта бахтсиз ҳодисалар рўй берди. Кўплаб йўллар ҳайдовчилардан муз занжирларини кийишни талаб қилади. Фавқулодда хизматлар қорли дарахтлар йўллар ва электр узатиш линияларига қулашидан хавфсирамоқда.
Хорватиянинг Загорье шаҳрида ҳам қор ёғиб, Петровско, Хум-на-Сутли, Преграда, Джурманец, Радобой ва Есене жамоаларининг бир қисмини оқ адёл билан қоплади.
Мамлакат бўйлаб қор ва ёмғир ёғди. Аҳоли гуллайдиган мевали дарахтларга зарар етказиши мумкин бўлган совуқдан кутилиб қолишга умид қилмоқда.
Икки кунлик жазирамадан кейин Руминияда ҳаво ҳарорати деярли 20°C га кескин пасайди. Мамлакат шимоли-ғарбидаги Клуж-Напока шаҳрига ҳақиқий қиш келди. Агар сешанба куни термометр 25 °C ни кўрсатган бўлса, чоршанба куни эса 4 °C кўрсатмоқда.
Климатологларнинг фикрича, бундай об-ҳаво контрастлари глобал исиш туфайли кучаймоқда.
«Сайёрадаги экотизимлар ва иқлим шароити қандай ўзгариб бораётганини амалда кўришингиз мумкин. Хўш, кўникишимиз керак", - деди маҳаллий аҳолидан бири.
Босния ва Герцеговинанинг тоғли ҳудудлари, шунингдек, мамлакат пойтахти Сараево ҳам қор билан қопланган.
Шу билан бирга, илгари бу ердаги ҳарорат деярли 30 °С га етган, бу Болқонда баҳор учун хос эмас.
