Европа комиссияси газ учун тўловни рублда амалга ошириш имкониятига рухсат берди
Европа комиссияси Россия гази учун тўловни рублда амалга ошириш имкониятига рухсат берди. Бу ҳақда Европа Иттифоқи баёнотига таяниб, Reuters хабар бермоқда.
Агентлик Евроиттифоқ аъзоларига юборилган ҳужжатга таяниб, Москванинг Газпромбанкда валютани рублга конвертация қилиш йўли билан газ учун тўлаш таклифи «Европа Иттифоқи санкциялари режимига мос келадиган тўлов жараёни»га тўсқинлик қилмаслигини таъкидлайди.
Шу билан бирга, нашрнинг қайд этишича, Европа компаниялари жорий қилинган санкцияларни бузмаган ҳолда газ учун қандай қилиб рублда тўлаши ҳозирча аниқ эмас.
"Бироқ фармон талабларидан четга чиқиш тартиби ҳозирча аниқ эмас”, — дея ҳужжатдан иқтибос келтирган Reuters агентлиги.
Матнда хатолик топсангиз, ўша хатони белгилаб, бизга жўнатинг (Ctrl + Enter).
