А Серия. Бугун Италияда чемпион номи аниқ бўлиши мумкин

Бугун Италия А Сериясининг 33-туридан ўрин олган "Милан" - "Интер" учрашуви бўлиб ўтади. "Derby della Madonnina" номи билан танилган "Милан дербиси" Тошкент вақти билан 23:45 да старт олади.

Аҳамиятлиси, агар мазкур тўқнашувда "Интер" ғалаба қозонса, муддатидан олдин А Серия чемпионлигини ҳал қилади. Ҳозирда ҳамшаҳарлар ўртасидаги фарқ 14 очкони ташкил этади.

"Нерадзуррилар" 83 очко тўплашга муваффақ бўлган, 2-ўриндаги "россонерилар"да эса 69 очко мавжуд. "Кўк-қоралар"нинг ғалабаси фарқни 17 тага етишига сабаб бўлади ва "қизил-қоралар" қолган 5 ўйинда рақибига ета олмайди.