Vazir va amaldorlar minadigan xizmat mashinalari narxining eng yuqori miqdori e’lon qilindi
2021 yil 29 aprelda “Davlat boshqaruvi va mahalliy davlat hokimiyati organlarida xizmat avtotransportlaridan foydalanish tizimini tubdan takomillashtirish chora-tadbirlari to‘g‘risida”gi Vazirlar Mahkamasining qarori qabul qilindi.
Unga ko‘ra:
Vazirlar, davlat qo‘mitalari rahbarlari, viloyatlar va Toshkent shahar hokimlariga biriktiriladigan xizmat avtotransportining eng yuqori narxi — BHMning 2000 baravari (490 mln. so‘m)dan;
✅Ularning o‘rinbosarlari xizmat avtotransportining eng yuqori narxi — 1500 baravari (367 mln. 500 ming so‘m)dan;
✅Tuman va shahar hokimlari xizmat avtotransportining eng yuqori narxi — BHMning 1000 baravari (245 mln. so‘m)dan;
✅ Davlat boshqaruvi organlarining Qoraqalpog‘iston Respublikasi, viloyatlar, Toshkent shahar bo‘linmalari rahbarlari, shuningdek, tuman, shahar hokimi o‘rinbosarlari xizmat avtotransporti narxi — BHMning 700 baravari (171 mln. 500 ming so‘m)dan oshmasligi belgilandi.