Trampning to‘ng‘ich o‘g‘liga shubhali kukun solingan xat keldi

AQShning sobiq prezidenti Donald Trampning to‘ng‘ich o‘g‘li pochta orqali noma’lum kukun solingan konvertni oldi.

Bu haqda Amerikaning «The Daily Beast» nashri siyosatchi vakiliga tayanib ma’lumot berdi, deb yozadi «Report».

Qayd etilishicha, rasmiylar xatda aniq nima borligini hozircha aniqlamagan, biroq ular kukun o‘limga olib kelmasligini aytishgan.

Nashr manbalarga tayanib ta’kidlaganidek, siyosatchi maktubni Floridadagi uyida ochgan, shundan so‘ng xonaga oq kukun sochilgan.

Kichik Trampning uyi yonida o‘t o‘chirish mashinalari va himoya kiyimidagi odamlar ko‘ringan.