The Beatles terror guruhi a’zosi AQShliklarni o‘ldirganini tan oldi
"Islomiy davlat" guruhiga kiruvchi norasmiy The Beatles nomli terror uyasidan chiqqan jinoyatchi garovga olingan to‘rt amerikalikni o‘ldirganini tan oldi. Bu haqda BBC News xabar bermoqda.
37 yoshli Aleksandr Kotey AQSh fuqarolarining o‘limiga aloqador bir nechta ayblovlar bo‘yicha AQSh sudida aybini tan oldi. Jabrlanganlar - jurnalistlar Jeyms Foli va Stiven Sotloff, shuningdek, gumanitar xodimlar Piter Kassig va Kayla Myuller. Sud Virjiniya shtatining Iskandariya sudida bo‘lib o‘tdi. Terrorchini umrbod qamoq jazosi kutmoqda.
Prokuratura vakili Raj Parexning aytishicha, jinoyatchi umrining qolgan qismini qamoqda o‘tkazishga o‘z ixtiyori bilan rozi bo‘lgan. "Inkor qilib bo‘lmaydigan dalillarga qaramay, u o‘z jinoyatlarini tan olish to‘g‘risida mustaqil qaror qabul qildi", - deya ta’kidladi advokat.
ISHID tarkibiga kiruvchi Londondan kelgan to‘da o‘z nomini Britaniya a’zolarining talaffuzidan oldi. Huquq-tartibot idoralari vakillarining so‘zlariga ko‘ra, The Beatles kamida 27 kishini qiynoqqa solgan va o‘ldirgan, ulardan to‘rt nafari AQSh fuqarosi. Guruh a’zolari shafqatsizligi bilan tanilgan: ular qurbonlarning bir qismining boshini kesib, ularning o‘ldirilishini jonli efirga uzatgan. Guruh rahbari deb taxmin qilinayotgan Muhammad Emvazi 2015 yilda uchuvchisiz samolyotlar hujumi natijasida o‘ldirilgan.
