Shavkat Umurzakov O‘zbekiston shaxmat federasiyasi Toshkent shahar bo‘limi raisi etib tayinlandi

Bugun Toshkent shahar sport boshqarmasi mas’ullari, poytaxt sport maktablarining rahbarlari hamda shaxmat bo‘yicha murabbiy-mutaxassislari ishtirokida yig‘ilish bo‘lib o‘tdi. Bu haqda Toshkent shahar sport boshqarmasi Axborot xizmati xabar berdi.

Unda shahrimizda shaxmat maktablarini tashkil etish va rivojlantirish, yoshlar o‘rtasida shaxmatga bo‘lgan qiziqishni oshirish masalalari muhokama qilindi.

Shuningdek, yig‘ilishda tashkiliy masala ko‘rildi hamda hozirda Toshkent shahar hokimi sifatida faoliyat ko‘rsatib kelayotgan Shavkat Umurzakov O‘zbekiston shaxmat federasiyasi Toshkent shahar bo‘limi raisi etib saylandi.

Shu bilan birga O‘zbekiston shaxmat federasiyasi Toshkent shahar bo‘limi raisining o‘rinbosarlari, ijrochi direktori hamda kotibi saylandi.