Isroilning G‘azodagi qilig‘i. G‘azoliklarga oziq-ovqat yetkazib berish keskiy kamaygan

Isroil gumanitar yordam olib kirishning yangi qoidalarini joriy qilgani sababli so‘nggi haftalarda G‘azoga oziq-ovqat yetkazib berish keskin kamaydi. Bu haqda Reuters G‘azoga yuklarni yetkazib berishda ishtirok etgan shaxslarga tayanib xabar berdi.

Ularga ko‘ra, yangi tartib BMT tomonidan Iordaniyadan Isroil orqali G‘azoga yordam yetkazish uchun ijaraga olingan karvonlarga taalluqlidir. Isroil rasmiylarining buyrug‘iga ko‘ra, ushbu yo‘nalish orqali yordam jo‘natayotgan yordam xodimlari «pasport ma’lumotlari ko‘rsatilgan shaklni to‘ldirishlari va yuk haqidagi yolg‘on ma’lumotlar uchun javobgarlikni o‘z zimmalariga olishlari kerak».

Yordam tashkilotlari avgust oyi o‘rtalarida qo‘yilgan talabga e’tiroz bildirishmoqda, chunki ular blankalardagi ma’lumotlar, agar yordam «HAMASga yoki Isroilning boshqa dushmanlariga ketsa», ularning ishchilari uchun huquqiy muammolarga olib kelishi mumkinligidan qo‘rqishmoqda, dedi manbalar. Natijada, G‘azo asosiy ta’minot yo‘li bo‘lgan Iordaniyadan ikki hafta davomida ta’minot ololmadi. Ayni paytda ular Kipr va Misr orqali davom etdilar. Shu bilan birga, Isroil G‘azoga tijorat oziq-ovqat yetkazib berishni cheklab qo‘ygan.

Birlashgan Millatlar Tashkiloti va Isroil hukumati ma’lumotlariga ko‘ra, sentyabr oyida sektor aholisiga oziq-ovqat va boshqa gumanitar yordam yetkazib berish 11 oy ichida eng past darajaga tushgan.

G‘azoga oziq-ovqat va boshqa yuklarni olib kiruvchi yuk mashinalari soni sentyabr oyida kuniga o‘rtacha 130 ga tushdi, bu avvalgi 150 tadan kam. AQSh Xalqaro Taraqqiyot Agentligi vakillariga ko‘ra, G‘azodagi urush davridagi o‘tkir oziq-ovqat tanqisligi muammosini hal qilish uchun uni 600 ta yuk mashinasida yetkazib berish kerak.

13 sentyabr kuni «Al-Qohira al-Ixbariya» telekanali jahon tashkilotining Gumanitar masalalarni muvofiqlashtirish boshqarmasi vakiliga tayanib, BMT xodimlarining G‘azo shimoliga insonparvarlik yordami yetkazilishi Isroil tomonining aybi bilan to‘xtatilganini ma’lum qildi.