Fransiyada Makronning impichmenti haqidagi talabni ko‘rib chiqish boshlandi

Milliy assambleyaning (parlament quyi palatasi) Qonunchilik komissiyasi “Itoatsiz Fransiya” chap qanot partiyasining respublika prezidenti Emmanuel Makronga impichment e’lon qilish haqidagi talabini ko‘rib chiqishni boshladi.

Bu haqda Le Figaro nashri xabar bermoqda.

Uning ma’lumotlariga ko‘ra, "73 deputatdan iborat komissiyada ovoz berish kunning ikkinchi yarmida bo‘lib o‘tadi”.

Nashrning aniqlik kiritishicha, ovoz berish natijalaridan qat’i nazar, “qaror loyihasi palata yalpi majlisiga kiritilgunga qadar 13 kun ichida fraksiya yetakchilari konferensiyasida ko‘rib chiqilishi kerak”.

Shu bilan birga, Le Figaro "itoatsiz Fransiya" tashabbusini amalga oshirish imkoniyati kam, chunki uni qabul qilish uchun Fransiya deputatlari va senatorlarining 2/3 qismi ma’qullanishi kerak, deb hisoblaydi.

Shuning uchun impichment uchun rezolyusiyani ikki palataning 925 a’zosidan kamida 617 nafari qo‘llab-quvvatlashi kerak. Shu bilan birga, "Itoatsiz Fransiya"ning o‘zi bor-yo‘g‘i 73 mandatga ega.