Saakashvili 2008 yil voqealari haqida gapirdi
Gruziyaning sobiq prezidenti Mixail Saakashvili 2008 yilda Fransiyaning sobiq prezidenti Nikolya Sarkozining Janubiy Osetiyadagi mojaroni hal qilish rejasiga bahsli hududlar maqomi haqidagi bandni kiritish taklifini rad etganini ma’lum qildi.
«2008 yilda Moskva orqali Fransiya prezidenti Nikolya Sarkozi bizga uchib keldi, u olti banddan iborat rejani olib keldi, u yerda Rossiyaning iltimosiga binoan oltinchi band qo‘shilgan va quyidagicha edi: »Abxaziya va Janubiy Osetiyaning bahsli hududlari maqomi bo‘lajak xalqaro muzokaralar natijasida aniqlanishi kerak," — deb yozdi Saakashvili Facebook’da.
Uning qayd etishicha, Gruziya tomonining Sarkozining taklifiga javobi qat’iy bo‘lgan: «Birinchidan, hududlar bahsli emas. Ikkinchidan, ularning maqomi Gruziya ichida va uning tarkibi doirasida hal qilinadi va biz yerimizni kamtik qilishga yo‘l qo‘ymaymiz».
Saakashvilining so‘zlariga ko‘ra, Sarkozi unga ehtimoliy oqibatlar bilan tahdid qilgan, ammo shunga qaramay, u baribir shartnomani bunday shaklda imzolashdan bosh tortgan. Bir necha soatlik tortishuvlardan so‘ng, Saakashvilining so‘zlariga ko‘ra, Rossiyaning o‘sha paytdagi prezidenti Dmitriy Medvedev qo‘ng‘iroq qilib, oltinchi banddan bahsli hududlar maqomi haqidagi eslatmani olib tashlashga rozi bo‘lgan.
2008 yil 12 avgustda Sarkozi vositachiligida Gruziya va Rossiya olti bandlik Medvedev-Sarkozi rejasi deb nomlanuvchi sulh bitimini tuzdi. U mojaroning barcha ishtirokchilarini kuch ishlatishdan voz kechishni, harbiy harakatlarni to‘liq to‘xtatishni, Gruziya armiyasini doimiy joylashgan joylariga qaytarishni, Rossiya armiyasini esa jangovar harakatlar boshlanishidan oldingi chiziqqa qaytarishni nazarda tutgan.
