Tailandda maktab avtobusi yonib ketdi, 25 kishi halok bo‘ldi

Tailand poytaxti Bangkok shahri chekkasida 40 dan ortiq o‘quvchi va o‘qituvchilarni ekskursiyaga ketayotgan maktab avtobusi yonib ketdi, deb xabar bermoqda Reuters.

Utay Tani provinsiyasidan ketayotgan avtobus shinasi yorilib ketganidan so‘ng to‘siqqa borib urilgan. Bu yonilg‘i baklarining portlashiga sabab bo‘lgan. Natijada kuchli yong‘in boshlangan.

Dastlabki ma’lumotlarga ko‘ra, 44 yo‘lovchidan 25 ga yaqini halok bo‘lgan, biroq transport vaziri Surya Xuangroongruangkit qurbonlarning aniq soni hali ham aniqlanayotganini aytdi. Yana 16 nafar talaba va uch nafar o‘qituvchi tan jarohatlari bilan kasalxonaga yotqizilgan.

Ma’lumotlarga ko‘ra, avtobusda boshlang‘ich va o‘rta sinf o‘quvchilari bo‘lgan.

O‘t o‘chiruvchilar va qutqaruvchilar allaqachon yong‘inni bartaraf etishgan, biroq avtobusdagi havo harorati yuqori bo‘lganligi sababli ular haligacha jasadlarni qidirishni boshlay olishmagan. Tailand bosh vaziri Paetongtarn Shinavatra halok bo‘lganlar haqidagi ma’lumotni tasdiqladi va fojia qurbonlarining oila a’zolariga hamdardlik bildirdi.