Rasmiylar Kursk viloyatini tark etganlarga 15 ming rubl miqdorida to‘lovlarni va’da qildi
![Rasmiylar Kursk viloyatini tark etganlarga 15 ming rubl miqdorida to‘lovlarni va’da qildi Rasmiylar Kursk viloyatini tark etganlarga 15 ming rubl miqdorida to‘lovlarni va’da qildi](/photos/news/DAnwkNnSCa7kEsE.jpeg)
Kursk viloyatining chegara hududlarini 133 mingdan ortiq kishi tark etdi. Rasmiylar ularga 15 ming rubl miqdorida to‘lovlarni va’da qilishdiya.
Ukraina qurolli kuchlarining Kursk viloyatiga bostirib kirishi boshlanganidan keyin 133 mingdan ortiq odam mintaqaning chegara hududlarini tark etdi, dedi gubernator vazifasini bajaruvchi Aleksey Smirnov prezident Vladimir Putin bilan uchrashuvda. Viloyat hokimiyati ma’lumotlariga ko‘ra, chegara hududlarida 19 mingdan ortiq aholi qolmoqda. Hammasi bo‘lib, sakkizta tuman Kursk viloyatidagi ko‘chirish zonasiga tushdi.
Putin payshanba kuni Kursk, Belgorod va Bryansk viloyatlaridagi vaziyat bo‘yicha gubernatorlar va federal vazirlar ishtirokida videobog‘lanish orqali yig‘ilish o‘tkazdi.
Ushbu yig‘ilishda Smirnov federal favqulodda holat rejimi joriy etilishi munosabati bilan jangovar hududni tark etgan Kursk viloyati aholisi uchun 15 ming rubl (taxminan 160 AQSh dollari) miqdorida «avtomatik to‘lov» joriy etishni taklif qildi. Rossiya prezidenti to‘lov bo‘yicha taklifni qo‘llab-quvvatladi.
Bosh vazirning birinchi o‘rinbosari Denis Manturov yig‘ilishda hukumat favqulodda vaziyatlardan jabrlanganlarga to‘lovlar uchun qo‘shimcha ravishda 1,5 milliard rubldan ortiq mablag‘ ajratishini aytdi.
Kurskning o‘zida ular temir-beton boshpanalarni o‘rnatishni boshladilar va ularni mintaqaning yana ikkita shahrida: Kursk AES xodimlari yashaydigan Jeleznogorsk va Kurchatovda o‘rnatish rejalashtirilgan.