Hamon koronavirusdan xoli mamlakat: Bu rostmi yoki yolg‘on?

KXDR Davlat kengashi raisi Kim Chen Inning ta’kidlashicha, uning mamlakatida koronavirus infeksiyasining biron bir holati hali aniqlanmagan.

Bu haqda TASS Shimoliy Koreya rahbarining Pxenyanda bo‘lib o‘tgan harbiy parad paytida, Koreya ishchilar partiyasi tashkil topganligining 75 yilligiga bag‘ishlangan bayonotiga asoslanib xabar berdi.

O‘z nutqi davomida davlat rahbari Janubiy Koreyaga COVID-19 oqibatlarini tezda yengib o‘tishini, ikki mamlakat yana "qo‘llarini birlashtirishi"ni tilab qoldi.

Kim Chen Inning ta’kidlashicha, pandemiya boshlanganidan buyon shu kungacha Shimoliy Koreyada birorta ham odam koronavirus bilan kasallanmagan.