“ArMI – 2021”: “Xavfsiz marshrut” musobaqasida O‘zbekiston jamoasi 2-o‘rinni egalladi (+foto)
Rossiya Federatsiyasining Tyumen viloyatida “ArMI-2021” oʻyinlari doirasida “Xavfsiz marshrut” musobaqasining final bahsi boʻlib oʻtdi. Unda Belarus, Vyetnam, Rossiya va Oʻzbekiston jamoalarining harbiy muhandislari oʻzaro kuch sinashdi. Vakillarimiz oʻz guruhida 2-oʻrinni egallab, final yoʻllanmasini qoʻlga kiritgan edi.
Musobaqa shartlariga koʻra, “Xavfsiz marshrut” ishtirokchilari muhandis razvedka dozori» “IMR-2” toʻsiqlarni tozalash mashinalari va “BAT-2” yoʻl yotqizgichlari yordamida 3 ming metrli toʻsiqlardan oʻtish kolonnalar harakati uchun minalardan tozalashi, yoʻllarni jihozlashi va “TMM” ogʻir mexanizatsiyalashgan koʻprigi yordamida 40 metrli oʻtish joyini qurishi kerak.
“Adreyevskiy” poligonida boʻlib oʻtgan final bahsi judayam shiddatli va qiziqarli boʻldi. Unda ishtirokchi jamoalar zamonaviy muhandislik koʻnikmalarini namoyon etib, gʻoliblik uchun kurash olib bordi.
Yakuniy natijalarga koʻra, birinchi oʻrin mezbon davlat vakillari – Rossiya jamoasiga, ikkinchi oʻrin esa Oʻzbekiston va uchinchi oʻrin Vyetnam davlati jamoalariga nasib etdi.
“Xavfsiz marshrut” vakillarini tabriklab, shiddatli bahslarni davom ettirayotgan Mudofaa vazirligining qolgan jamoalariga ham omad yor boʻlishini tilaymiz.
